ما أجمل العشم في المجهول

جميل إنك تسمع صوت إشعارات الموبايل "تن تن تن" ومتبقاش عارف مين اللي بيبعتلك،
تحس كأن فيه حياة صغيرة بتحاول تخترق السواد حواليك.
موبايلي شاشته إنكسرت وبقت سوده… شبه الحياة اللي عايشينها،
كل حاجة حوالينا أصوات من غير صور، ووعود من غير تحقيق.
تِفضل قاعد مستني حاجة تفرّحك، حاجة تمس قلبك ولو للحظة،
وتلاقيها اتكسرت قبل ما توصلك…
زي ما الفرح دايمًا بيضيع وسط الزحمة،
والزحمة… كلها وشوش مش واضحة.
شاشة موبايلي إنكسرت… وما أجمل العشم في المجهول، لعله خير.